به پێی ڕاپۆرته‌كان، ڕۆژی یه‌كشه‌ممه ١٣ی مانگی گه‌لاوێژ، به‌هۆی ڕوودانی ته‌قینه‌وه‌یه‌ك له كابۆل، پێته‌ختی ئه‌فغانستان، له مه‌سیری پاسه‌كانی هه‌ڵگری كارمه‌ندانی كه‌ناڵێكی تلوێزیۆنی، لانیكه‌م ٦ كه‌س بوون به قوربانی.
به پێی ئه‌م ڕاپۆرته، ڕووداوه‌كه به‌هۆی ته‌قینه‌وه‌ی چه‌ند مینێكی چێنراوه‌وه بووه و به‌هۆیه‌وه ٢ كه‌س گیانیان له‌ده‌ست داوه و ٤ كه‌سی دیكه‌ش بریندار بوون. شایانی باسه، پێشتریش له مانگی خاكه‌لێوه‌ی ئه‌مساڵدا له نزیكی ئه‌م شوێنه چه‌ندین ته‌قینه‌وه ڕوویاندا و به‌هۆیه‌وه لانیكه‌م ٦ كه‌س گیانیان له‌ده‌ست دا و ٢٣ كه‌سی دیكه‌ش برینداربوون. جێگه‌ی ئاماژه‌یه هه‌تا ئێستا هیچ گرووپ یان لایه‌نێك به‌رپرسایه‌تیی ئه‌م هێرشه‌ی نه‌گرتووه‌ته ئه‌ستۆ.