ده‌بیرخانه‌ی خانه‌ی په‌ره‌ستار ڕۆژی پێنجشه‌ممه ٢٨ی به‌فرانبار ڕایگه‌یاند: ده‌یان په‌ره‌ستاری ناڕازی له‌لایه‌ن ده‌سته‌ی به‌ره‌نگاربوونه‌وه له‌گه‌ڵ هه‌ڵه ئیداره‌ییه‌كانی زانكۆی زانیاری پزیشكی له كاره‌كانیان دوور خراونه‌ته‌وه.
به‌پێی ئه‌و ڕاپۆرته، ده‌سته‌ی به‌ره‌نگاربوونه‌وه له‌گه‌ڵ هه‌ڵه ئیدارییه‌كانی وه‌زاره‌تی بێهداشت و ده‌رمانی كۆماری ئیسلامی به هاوكاری زانكۆ پزیشكییه‌كانی سه‌رانسه‌ری ئێران، ده‌یان په‌ره‌ستاریان به‌هۆی به‌شداریكردنیان له كۆبوونه‌وه ناڕه‌زایه‌تیه‌كان، له‌سه‌ركار دوور خستۆته‌وه و ئه‌وانه‌شی که هاوكات له پڕۆسه‌ی درێژه‌دان به خوێندن بوون بۆ ماوه‌ی شه‌ش مانگ ته‌علیق كراون.