ڕۆژی شه‌ممه ٦ی مانگی ڕه‌شه‌مه، سزای زیندان و لێدانی قامچی لە “خەبات فەدایی” و “ئاناهیتا ڕەمەزانیان”، له‌لایه‌ن دادگای كۆماری ئیسلامییه‌وه جێبه‌جێكرا.
به‌پێی ڕاپۆرته‌كان، “خەبات فەدایی”، هونەرمەندی خەڵکی شاری “سنە” و دانیشتووی شاری “تاران”، کە پێشتر لە ڕەوتی ڕاپەڕین و بەرخۆدانی جەماوەریی شاری “تاران” دەستبەسەرکرابوو و دواتر بە دانانی بارمتە و بە شێوەی کاتی ئازاد کرا، دوێنێ لەلایەن دادگای شۆڕشی وەرامین سزای ۶ ساڵ بەندکردنی بەسەردا سەپاوە. هه‌روه‌ها، “ئاناهیتا ڕەمەزانیان”، چالاکی مەدەنیی خەڵکی یاسووج سزای بەندکران و لێدانی قامچی بەسەردا سەپێندرا. ئاناهیتا ڕەمەزانیان، ئەو کچەی کە دوای دەربڕینی ناڕەزایەتی لە گۆڕەپانی سەرەکی شاری یاسووج دەستبەسەرکرابوو و دواتر بە دانانی بارمتە ئازادکرابوو، لە ئێستادا چاوەڕوانی بڕیاری جێبەجێکردنی سزا دژی ئینسانیەکەیەتی.