کومیتەی بەرگری لە مانگرتنی کرێکارانی مانگرتوو بە بڵاو کردنەوەی بەیانییەیەک، داوای لە موعەلیمان، خانەنشین کراوان، خوێندکاران، ژنانی یەکسانی خواز، لاوان، و هەموو خەڵکی ئازادیخوازی ئێران كرد، بە هەر شێوەیەک کە پێیان دەکرێ پشتیوانی خۆیان لە مانگرتنی گشتی کریکارانی سەنعەتی نەوت و پێترۆشیمی دەرببڕن.
لە بەشێک لە بەیاننامەکە دا هاتووە: ” ئێستا پێکهێنانی رێکخراوی سەربەخۆی کرێکاران لە کارگەکان، کارخانەکان و بە تایبەت لە بەشی نەوت و گاز لە هەموو کاتێک پێویست ترە. ئێمە، کومیتەی بەرگری لە مانگرتنی کرێکارانی مانگرتوو، وێڕای پشتیوانی بێ درێغی خۆمان لە خواست و داواکارییە رەواکانی کرێکاران، لە هاوچینەکانمان خوازیارین لەو کاتە هەستیارەی ئێستا دا، لە هەر ئاستێک بۆیان دەگونجێ دەست بە خۆڕیخستن پکەن. هێزی ئێمە لە ڕێکخراوبوون دایە. پێویستە بە کۆمەڵ و بە ڕێکخراوبوون هەنگاو بۆ سەرخستنی مانگرتنی هاوچینەکانمان هەڵگرین. سەرکەوتنی ئەم مانگرتنە، سەرکەوتنی هەموومانە. ئێمە، بە تایبەت لە کڕێکارانی ڕه‌سمی نەوت، پاڵاوگەکەکان و پێترۆشیمییەکان داوا ده‌كه‌ین بەو مانگرتنەوە پەیوەست بن. دەستپێشخەری پکەین، بێینە مەیدان و به هێزی میلیۆنی و لە بن نەهاتوومان چارەنووسی خۆمان دیاری پکەین”.