موته‌لیب ئه‌حمه‌دیان، به‌ندكراوی سیاسی ڕاگیراو له زیندانی ئێڤین، سه‌ره‌ڕای خراپی دۆخی ته‌ندرووستی، له ده‌ستڕاگه‌یشتن به خزمه‌تگوزاری پزیشكی بێبه‌ش كراوه.
به‌پێی ڕاپۆرتی كه‌مپه‌ینی به‌رگری له به‌ندكراوانی سیاسی و مه‌ده‌نی، موته‌لیب ئه‌حمه‌دیان ماوه‌یه‌ك له‌وه‌به‌ر نه‌شته‌رگه‌ری بۆ كراوه، به‌ڵام به‌هۆی بێبه‌شبوون له ده‌رمان، برینه‌كانی عفوونه‌تی كردووه و دۆخی ته‌ندرووستی ناجێگیره. به وته‌ی چالاكانی مه‌ده‌نی، به‌رپرسانی قه‌زایی و ئه‌منیه‌تی ڕژیم وێڕای دانانی وه‌سیقه‌ی قورس بۆ ئازادی ئه‌و به‌ندكراوه سیاسی، له‌گه‌ڵ مه‌ره‌خه‌سی ده‌رمانی و ئازادی كاتی ناوبراو دژایه‌تی ده‌كه‌ن.