به پێی ڕاپۆرته‌كان، هاووڵاتییه‌كی خه‌ڵكی كرماشان به ناوی “حەمید فرووزش” كه لە خۆپێشاندانەکانی مانگی خەزەڵوەر دەستبەسەر کرابوو، پاش سێ مانگ هێشتا دادگایی نەکراوه و له بیلاته‌كلیفی دا به‌سه‌ر ده‌بات.
به پێی ئه‌م ڕاپۆرته، حەمید فروزش پێشتریش بە تۆمەتی “بێڕێزیكردن بە پیرۆزییەکان و پڕوپاگەندە دژی نیزام” بۆ ماوەی ١٤ مانگ دەستبەسەر کرابوو. جێگه‌ی ئاماژه‌یه، هەتا ئێستا ناوی ٣٢ کەس لە گیراوانی مانگی خەزەڵوەری کرماشان له‌وانه، ڕەزا جابری، موبین مۆرادی، محەممەد ــ م، عەلی زوڵفەقار نەسەب، محەممەد یاری، خەلیل ئەسەدی بووژانی، مەحیەدین ئەسغەری، سوحبەتوڵڵا ئومیدی، “سەجاد، پەرهام و پوریا نادری”، ئارمان حەیدەری، کاکەمیر دەروێشی، شەهریار ئەحمەدی، عەلی عوسمان وەند، هێرش محەممەدی، کوروش محەممەدی، داریوش محەممەدی، نادر ڕەزایی ئابتاف، نادر عەزیزی، سیرووس عەزیزی، ڕەسووڵ سریلانی جەلالوەند، پەرویز کەدیوەریان، مێهدی عەبدالی، عەلی مووسەوی، یونس ڕەحیمی، کەدیوەریان، ئیحسان، میلاد، فەرهاد عامریان، ڕەزا ئومیدی یاریجانی و حەمید فروزش، بڵاوكراوه‌ته‌وه.