کۆمەڵە_رێكخراوی كوردستانی حیزبی كۆمونیستی ئیران
ئێران هه‌واڵه‌کان

به‌ڕێوه‌چوونی كۆبوونه‌وه‌ی ناڕه‌زایه‌تیی له‌ چه‌ند زانكۆی ئێران

ڕۆژی سێشه‌ممه‌ ٢٩ی ڕێبه‌ندان، كۆمه‌ڵێك له‌ خوێندكارانی زانكۆكانی ئێران له‌وانه‌، زانكۆی بووعه‌لی هه‌مه‌دان، عه‌لامه‌ ته‌باته‌بایی، پۆلی تێكنیكی تاران، عێلم و سه‌نعه‌ت و ئه‌میر كه‌بیر، به‌ به‌ڕێوه‌بردنی كۆبوونه‌وه‌، له‌ئاست ده‌ستبه‌سه‌ركردنی ژماره‌یه‌ك له‌ خوێندكاران، پێشێل كردنی سه‌ربه‌خۆیی زانكۆكان و به‌ڕێوه‌چوونی هه‌ڵبژاردنی فه‌رمایه‌شی مه‌جلیس، ناڕه‌زایه‌تییان ده‌ربڕی.

به‌ پێی گرته‌ ویدیوییه‌ بڵاوكراوه‌كان، خوێندكارانی زانكۆی بووعه‌لی هه‌مه‌دان له كۆبوونه‌وه‌كه‌یاندا، درووشمی “سه‌ربه‌خۆیی، ئازادی، زانكۆی ئێرانی” وتووه‌ته‌وه‌. هه‌روه‌ها خوێندكارانی زانكۆی عه‌لامه‌ ته‌باته‌بایی تارانیش به‌ وتنه‌وه‌ی درووشمی “خه‌ڵك له‌برسا ده‌مرێ، ئه‌وانه‌ له‌بیر ده‌نگدانن”، “زیندانی سیاسیی ده‌بێ ئازاد بكرێ” ناڕه‌زایه‌تیی خۆیان ده‌ربڕی. له‌ لایه‌كی دیكه‌وه‌ به‌ پێی ئه‌و گرته‌ ویدیۆیانه‌ی كه‌ له‌ زانكۆی پۆلی تێكنیكی تاران بڵاوبووه‌ته‌وه‌، خوێندكارانی به‌سیجی له‌گه‌ڵ خوێندكارانی ناڕازیی ئه‌م زانكۆیه‌ له‌ به‌رامبه‌ر كۆلێژی ئه‌ندازیاری پۆلیمێر تێكهه‌ڵچوون. هاوكات كۆمه‌ڵێك له‌ خوێندكارانی زانكۆی عێلم و سه‌نعه‌تی ئێرانیش، وێڕای ده‌ربڕینی ناڕه‌زایه‌تیی به‌ ده‌ستبه‌سه‌ر كردنی خوێندكاران، له‌ڕێگه‌ی به‌ده‌سته‌وه‌ گرتنی چه‌ندین پلاكارد به‌ناوه‌ڕۆكی “نه‌به‌شداری ده‌كه‌ین، نه‌ بایكۆت، دێنه‌ی سه‌ر شه‌قامه‌كان” ده‌ستیاندایه‌ كۆبوونه‌وه‌.

بابەتی پەیوەندیدار

ناڕوونی چاره‌نووسی شۆفێرانی ده‌ستبه‌سه‌ركراوی هێڵی “بی ئاڕ تی”

komalah

ناڕه‌زایه‌تی كرێكارانی شێركه‌تی “ئێران مایه‌ی” ته‌ورێز

komalah

كوژرانی فه‌رمانده‌یه‌كی باڵای سوپای پاسداران له‌ شاری تاران

komalah

به‌ڕێوه‌چوونی خۆپیشاندانێك بۆ یادی گیانبه‌ختكردووانی ده‌یه‌ی ٦٠ له‌ ئاڵمان

komalah

دەستبەسەرکردنی دوو چالاکی کرێکاریی لە شاری سنە

komalah

ژه‌هراوی بوونی ٤٠ کەس لە شاری کرماشان بەهۆی خواردنی كارگی كێوی

komalah