کۆمەڵە_رێكخراوی كوردستانی حیزبی كۆمونیستی ئیران
ئێران جیهان هه‌واڵه‌کان

به‌ڕێوه‌چوونی كۆبوونه‌وه‌ی لووتكه‌ له‌ ئانكاڕا

ڕاپۆرته‌كان باس له‌وه‌ ده‌كه‌ن كه‌ لوتکەى سێ قۆڵی له‌ نێوان توركییه‌ و ئێران و ڕووسییه‌ لە شارى ئانكاڕا بۆچارەسەرکردنى کێشەى سوورییه‌ بەڕێوەچوو و سەرۆکى ڕووسییه‌ رایگەیاند، لەسەر هەنگاونان بۆ کەمکردنەوەی گرژییەکانی ئیدلب رێککەوتوون.

ڕۆژی دووشەممە ٢٥ی خه‌رمانان پێنجەمین کۆبوونەوەى لوتکەى نێوان توركییه‌، ڕووسییه‌ و ئێران بەڕێوەچوو و، دواى کۆبوونەوەکەش هەریەک لە “رەجەب تەیێب ئەردۆغان سەرۆک کۆمارى توركییه‌، وێلادێمیر پوتین سەرۆکى ڕووسییه‌ و حەسەن روحانى سەرۆک کۆمارى ئێران کۆنفرانسێکى رۆژنامەوانییان ئه‌نجام دا. لە کۆنفرانسە رۆژنامەوانییەکەدا وێلادێمیر پوتین رایگەیاند، دۆخی باکوری رۆژهەڵاتی سوورییه‌ مایەی نیگەرانییە و کێشە ئەمنییەکانی دەبێت لەسەر بنەمای پاراستنی یەکپارچەیی خاکی سوورییه‌ چارەسەر بکرێت. هاوکات رەجەب تەیێب ئەردۆغان ئاماژەى بەوە کرد، “بڕیاری گرنگمان داوە لەسەر زیندووکردنەوەی ھیوای چارەسەری سیاسی لە سوورییه‌ و پێویستە جەخت لەسەر گەڕانەوەی سورییەکان بۆ وڵاتەکەیان بکەینەوە.” جێگه‌ی ئاماژه‌یه‌، ماوەى پێنج ساڵە هه‌ر سێ وڵاتی ڕووسییه‌، ئێران و توركییه‌ کۆبوونەوەى سێ قۆڵى بۆ چارەسەرکردنى کێشەى سوورییه‌ بەڕێوەدەبەن و یەکەم کۆبوونەوەشیان لە ئاستانە لە کازاخستان ئه‌نجام دا. به‌ڵام كێشه‌كان هه‌روا به‌رده‌وامه‌ و ئه‌م وڵاته‌ له‌شه‌ڕ و نائه‌منی خه‌لاس نه‌هاتووه‌.

بابەتی پەیوەندیدار

ناڕه‌زایه‌تی كرێكارانی گرێبه‌ستی میترۆی تاران

komalah

خۆپیشاندانی ناڕه‌زایه‌تی كرێكارانی ئه‌ندۆنزیایی

komalah

به‌رده‌وامی خۆپیشاندانه‌كانی دژه‌ ده‌وڵه‌تی له‌ ئه‌رمه‌نستان

komalah

كۆبوونه‌وه‌ی بنه‌ماڵه‌ی “عه‌لی ساڵحی” له‌به‌رده‌م ئیداره‌ی ئیتلاعاتی سنه‌

komalah

كۆبوونه‌وه‌ی بنەماڵەى مۆعه‌لیمانی زیندانى مه‌ریوان له‌گه‌ڵ دادستانی ئه‌و شاره‌

komalah

ده‌ستبه‌سه‌ركردنی 15 هاووڵاتی له‌ خۆپێشاندانی خه‌ڵكی ناوچه‌ی مه‌له‌كشایی ئیلام

komalah