ڕۆژی یه‌كشه‌ممه ١٤ی مانگی ڕه‌زبه‌ر، گرووپێك له ناڕازییان به گوڕینی كه‌ش و هه‌وا له‌گه‌ڵ ژماره‌یه‌كی به‌رچاو له جلیقه زه‌رده‌كان له شاری پاریس خۆپیشاندانیان ئه‌نجام دا.
به پێی ئه‌م ڕاپۆرته گرووپێك له ژینگه‌پارێزان له به‌رامبه‌ر ناوه‌ندی تجاری “ئیتالی ٢” له مه‌یدانی ئیتالیای شاری پاریس كۆبوونه‌وه. ناڕازییان له ڕێگه‌ی به‌ده‌سته‌وه گرتنی چه‌ندین نوسراوه ناڕه‌زایه‌تیی خوازیاری گۆڕینی سیاسه‌تی ده‌وڵه‌ته‌كان سه‌باره‌ت به پاراستنی ژینگه بوون. هاوكات له‌گه‌ڵ ئه‌م خۆپیشاندانه، جلیقه زه‌رده‌كانیش ٤٧مین هه‌فته‌ی ناڕه‌زایه‌تییان له ئاستی شاره جۆراوجۆره‌كانی فه‌رانسه به‌ڕێوه‌برد. ده‌وترێت له‌م خۆپیشاندانه، هێزه‌كانی پۆلیس هێرشیان كردووه‌ته سه‌ر ناڕازییان.