کۆمەڵە_رێكخراوی كوردستانی حیزبی كۆمونیستی ئیران
ئێران هه‌واڵه‌کان

به‌ستنی سنووره‌كانی كوه‌یت، ئه‌فغانستان و عێراق به‌سه‌ر ئێران

به‌ڕێوه‌به‌ری ئه‌نجومه‌نی شیركه‌ته‌كانی فڕۆكه‌وانی ئێران ڕایگه‌یاندووه‌ كه‌ وڵاتانی كوه‌یت و عێراق به‌هۆی بڵاوبوونه‌وه‌ی ویرووسی “كۆرۆنا” له‌ ئێران، گه‌شته‌كانیان بۆ ئه‌م وڵاته‌ ڕاگرتووه‌. هه‌روه‌ها ئه‌فغانستانیش به‌ شێوه‌ی زاره‌كی ڕایگه‌یاندووه‌ كه‌ گه‌شته‌كانی بۆ ئه‌م وڵاته‌ ڕاگرتووه‌.

به‌وته‌ی ئه‌م كارگێره‌ی ڕژیم، وڵاتی عێراق به‌ فه‌رمی ڕایگه‌یاندووه‌ كه‌ چیدی هیچ موسافیرێكی ئێرانی قه‌بووڵ ناكات و ویزا بۆ موسافیرانی ئێران ده‌ر ناكات. ناوبراو هه‌روه‌ها ڕایگه‌یاندووه‌، وڵاتی “كوه‌یت”یش به‌ فه‌رمی ڕایگه‌یاندووه‌ كه‌ هیچ گشتێكی ئاسمانی بۆ ئێران و پێچه‌وانه‌ی ئه‌نجام نادات. ئه‌م شیركه‌ته‌ هۆكاری ئه‌م بڕیاره‌ی، بۆ فه‌رمانی وه‌زاره‌تی بێهداشتی وڵاته‌كه‌ی گه‌ڕاندووه‌ته‌وه‌. له‌ لایه‌كی دیكه‌وه‌ وه‌زاره‌تی ده‌ره‌وه‌ی كوه‌یت، داوای له‌ هاووڵاتییانی كردووه‌ كه‌ له‌ چوون بۆ ئێران خۆ ببوێرن. جێگه‌ی ئاماژه‌یه‌، كاربه‌ده‌ستانی ئێران تا ڕۆژی چوارشه‌ممه‌ی حه‌فته‌ی ڕابردوو، هه‌واڵی هه‌ر جۆره‌ بڵاوبوونه‌وه‌ی ویرووسی كۆرۆنایان ڕه‌ت كردبووه‌وه‌، به‌ڵام ڕۆژی چوارشه‌ممه‌ له‌ناكاو ڕایانگه‌یاند كه‌ دوو كه‌س به هۆی تووش بوون به‌ ویرووسی كۆرۆنا له‌ شاری قۆم، گیانیان له‌ده‌ستداوه‌. ئه‌مه‌ له‌كاتێكدایه‌ كه‌ له‌ ڕۆژی چوارشه‌ممه‌وه‌ هه‌تا ئێستا ١٢ كه‌س به‌هۆی ویرووسی كۆرۆنا له‌ ئێران گیانیان له‌ده‌ستداوه‌، به‌ڵام سه‌رچاوه‌ نافه‌رمییه‌كان باس له‌ چوونه‌سه‌ره‌وه‌ی ژماره‌ی قوربانییانی تووش بوو به‌م ویرووسه‌ له‌ ئێران ده‌كه‌ن.

بابەتی پەیوەندیدار

ناڕه‌زایه‌تی كرێكارانی گرێبه‌ستی میترۆی تاران

komalah

كۆبوونه‌وه‌ی بنه‌ماڵه‌ی “عه‌لی ساڵحی” له‌به‌رده‌م ئیداره‌ی ئیتلاعاتی سنه‌

komalah

كۆبوونه‌وه‌ی بنەماڵەى مۆعه‌لیمانی زیندانى مه‌ریوان له‌گه‌ڵ دادستانی ئه‌و شاره‌

komalah

ده‌ستبه‌سه‌ركردنی 15 هاووڵاتی له‌ خۆپێشاندانی خه‌ڵكی ناوچه‌ی مه‌له‌كشایی ئیلام

komalah

هۆشداری ناوه‌نده‌ ده‌رمانییه‌كانی كوردستان سه‌باره‌ت به‌ بڵاوبوونه‌وه‌ی نه‌خۆشی “ته‌بی كۆنگۆ”

komalah

سه‌پاندنی زیندان به‌سه‌ر حەوت ئەندامی کەمپەینی “ژیانەوەی کوردستان”

komalah