\
ڕۆژی چوارشەممە ٣ی مانگی گوڵان، بەشێک لە شاعیران، نووسەران و چالاكانی مه‌ده‌نی شاری بانە وەک شارەکانی دیکەی کوردستان بە مەبەستی ڕێز گرتن لە خزمەتگوزاریی پەره‌ستاران و سەرجەم کادری دەرمانی و پزیشکانی نەخۆشخانەی “ڕازی” بانە لە به‌رامبه‌ر نەخۆشخانەکە ئامادە بوون و ڕیزیان له سه‌رجه‌م كارمه‌ندانی بنکەی تەندروستی و دەرمانی ئەم شاره گرت.
لە لایەکی تریش خۆبەخشانی کەمپەینی “ژیانەوەی کوردستان” لە شاری سنە، ڕۆژی سێشەممەی ئه‌م حه‌فته‌یه لە درێژەی چالاکییەکانیاندا، سەردانی بنکەی تەندروستیی “بەهاران”یان کرد و بە چەپکە گوڵ و خوێندنەوەی پەیام و نووسراوە، ڕێز و ئەمەگناسیی خۆیان بۆ کادیری پزیشکی و دەرمانی شاری سنە و ڕۆژهەڵات دەربڕی و ٥٠٠ دەست جلوبەرگی تایبەتی پزیشکی لە لایەن چەند خۆبەخشی شاری سنە و بە بەشداری ژمارەیەک لە چالاکان و نووسەرانی شاری سنە، پێشکەش بە کادیری پزیشکی نەخۆشخانەی ئەوشارە کرا.