ڕاپۆرته‌كان باس له‌وه ده‌كه‌ن كه ڕەوتی دژەگەندکردنی شارەکانی کوردستان لەلایەن هاووڵاتییانەوە درێژەی هەیە و زۆربەی ئەو هەوڵە بە هیمەتی خەڵک و لە سەر تێچووی خۆیان بووه.
هه‌ر له‌م پێوه‌نده‌دا، ژمارەیەک لە خێرخوازانی شاری مەهاباد، لە سەر تێچووی خۆیان کۆمەڵێک کەرەستەی بێهداشتی و هەروەها دەرمانی دژەگەندیان بۆ خاوێنکردنەوەی کۆڵان، شەقام و تەنانەت ماڵەکانیش کڕیوه. زۆربەی کۆڵان، گەڕەک و شەقامەکانی مەهاباد، لەلایەن خەڵکی ئەمشاره‌وه، بە شێوەی خۆبەخش و لە سەر تێچووی کۆمەڵێک خێرخوازی خەڵکی ئەو شارە، بۆ پێشگرتن له ویرووسی کۆرۆنا خاوێن کراوەتەوە. لەم پێوه‌نده‌دا، ئەنجومەنی هەمیاریی مەهاباد، دەستیان بە خاوێنکردنەوەی خانەی بە ساڵاچووانی ئەو شارە کردووه و هەموو کورسی، تەختەکان و بە گشتیی تەواوی خانەی بە ساڵاچووانیان خاوێن کردووەتەوە.