ڕۆژی ههینی ٢٩ی مانگی گوڵان و پاش جەنایەتی لهسێدارهدانی سێ بهندكراوی ناسراو بە پهروهندهی “خانهی ئیسفههان” بهناوهكانی “مهجید كازمی”، “ساڵح میرهاشمی” و “سهعید یهعقووبی”، دایكانی دادخوازی سنه بهیاننامهیهكیان بڵاو كردهوه و تێیدا ئێعدامی نامرۆڤانهی ئهو سێ لاوهیان به توندی شهرمهزار كرد.
دایكانی دادخوازی سنه لهو بهیاننامهیهدا خوازیاری شكاندنی بێدهنگی لهلایهن ئینسانه به وێجدانهكان و كاردانهوهیان بهرامبهر بهو جهنایهته بوون. دایكانی دادخوازی سنه وێڕای ئیدانهكردنی ئێعدامی بهندكراوان، داوایان له دایكانی دادخوازی سهرانسهری ئێران كرد یهكڕیز و یهك ههڵوێست بن له بهرانبهر ڕژیمی جهنایهتكاری كۆماری ئیسلامی. له كۆتایی ئهو بهیاننامهیه دا داوا له خهڵكی ئازادیخوازی ئێران كراوه كه بۆ كۆتایی هێنان بهو ڕژیمه سهركوتگهره و ڕێگری كردن له ئێعدامی دهیان لاوی دیكه هاوڕێ لهگهڵ بنهماڵهی گیانبهختكردووان لهسهر شهقام بن.