ڕۆژی یه‌كشه‌ممه 4ی مانگی به‌فرانبار، خه‌ڵكی شۆڕشگێری كامیاران به‌شداری به‌رینیان له مه‌راسیمی ماته‌مینی چله‌ی “بورهان كه‌ره‌می”دا كرد و دژبه ڕژیمی سه‌ركوتگه‌ری ئیسلامی دروشمیان وته‌وه.
به‌پێی ڕاپۆرته‌كان، به سه‌دان كه‌س به‌شدرای مه‌راسیمی ماته‌منی چله‌ی “بورهان كه‌ره‌می” له گوندی “چرۆسانه” بوون و دروشمه‌كانی “ئازادی،به‌رابه‌ری، حكوومه‌تی كارگه‌ری”، “ئه‌مه دوایین په‌یامه، ئێعدام بكه‌ی قیامه”، ژن، ژیان، ئازادی، ده‌سه‌ڵاتی شورایی”، “زیندانی سیاسی ئه‌بێ ئازاد بكرێت”، “له زاهیدان تا كوردستان، گیانم به فیدای ئێران”، “مه‌رگ بۆ دیكتاتۆر” و “مه‌رگ بۆ خامنه‌یی”یان به‌رزكرده‌وه.