کۆمەڵە_رێكخراوی كوردستانی حیزبی كۆمونیستی ئیران
ئێران

به‌ڕێوه‌چوونی ڕێوڕه‌سمی ماته‌مینی سێ گیان به‌ختكردووی ئازادی له‌ ئه‌راك، ئیزه‌ و ئه‌نزه‌لی

ڕۆژی هه‌ینی ١١ی مانگی سه‌رماوه‌ز، ڕێوڕه‌سمی سێ ڕۆژه‌ و چله‌ی سێ گیان به‌ختكردووی ڕێگای ئازادی به‌ناوه‌كانی “سینا مه‌ڵایه‌ری”، “مێهران سه‌ماك” و “حامید سه‌له‌حشووری” به ‌به‌شداری هه‌زاران كه‌س به‌ڕێوه‌چوو.

به‌پێی ئه‌و گرته‌ ویدیۆیانه‌ی له‌ تۆڕه‌ كۆمه‌ڵایه‌تییه‌كاندا بڵاوكراوه‌ته‌وه‌، هه‌زاران كه‌س له‌ مه‌راسیمی سێهه‌م ڕۆژی گیان به‌ختكردنی “مێهران سه‌ماك” له‌ “به‌نده‌ر ئه‌نزه‌لی” به‌شداربوون و دژبه‌ ڕژیمی كۆماری ئیسلامی دروشمیان وتۆته‌وه‌، هه‌روه‌ها له‌شاری ئه‌راك هه‌زاران كه‌س به‌شداری چله‌ی ماته‌مینی “سینا مه‌ڵایه‌ری” بوون و دروشمی “قه‌سه‌م به‌ خۆێنی یاران، خۆڕاگرین تا پایان”یان به‌رز كرده‌وه‌ و له‌ شاری ئیزه‌ش ڕێوڕه‌سمی چله‌ی “حامید سه‌له‌حشووری” به‌ به‌شداری هه‌زاران كه‌س و به‌ وتنه‌وه‌ی دروشمی “مه‌رگ بۆ دیكتاتۆر” به‌ڕێوه‌چوو. جێگای ئاماژه‌یه‌ كه‌ “حامید سه‌له‌حشووری” پیشه‌ی شۆفێری بووه‌ و له‌كاتی كاركردندا له‌لایه‌ن هێزه‌كانی ڕژیمه‌وه‌ كرابۆوه‌‌ ئامانج و “مێهران سه‌ماك” له‌كاتی ده‌ربڕینی شایی پاش دۆڕانی تیمی فوتباڵی ئێران به‌رامبه‌ر به‌ ئامریكا، به‌ ته‌قه‌ی ڕاسته‌خۆی هێزه‌كانی ڕژیم گیانی به‌ختكردبوو.

بابەتی پەیوەندیدار

به‌یانیه‌ی دایكانی پاركی لاله‌ دژبه‌ سه‌ركوتی ژنان له‌لایه‌ن حكوومه‌ته‌وه‌

-

كۆبوونه‌وه‌ی شۆفێرانی كامیۆن له‌ خاش

-

درێژه‌ی كۆبوونه‌وه‌ی كرێكارانی كارخانه‌ی كاغه‌زسازی پارس له‌ شووش

-

خۆپێشاندانی خه‌ڵكی به‌نده‌رعه‌باس دژبه‌ كوژرانی سووختبه‌ران

-

كۆبوونه‌وه‌ی فه‌رهه‌نگیانی خانه‌نشینكراو له‌ چه‌ند شاری ئێران

-

كۆبوونه‌وه‌ی كرێكارانی شاره‌داری له‌ یاسووج

-