کۆمەڵە_رێكخراوی كوردستانی حیزبی كۆمونیستی ئیران
هه‌واڵه‌کان

به‌ڕێوه‌چوونی مه‌راسمی ڕۆژی كۆمه‌ڵه‌ له‌ شاری كوڵنی ئاڵمان

به‌پێی ڕاپۆرتی كۆمیته‌ی ده‌ره‌وه‌ی وڵاتی حیزبی كۆمۆنیستی ئێران، به‌شی ئاڵمان، ڕۆژی شه‌ممه‌ ٣ی فێوریه‌ی ٢٠٢٤، مه‌راسمی ٥٤مین ساڵوه‌گه‌ڕی ئاشكرابوونی كار و چالاكییه‌كانی كۆمه‌ڵه‌ له‌ شاری كۆڵن به‌ به‌شداری كۆمه‌ڵێك له‌ ئه‌ندامان، دۆستان و لایه‌نگرانی كۆمه‌ڵه‌ و حیزبی كۆمۆنیستی ئێران، هه‌روه‌ها نوێنه‌رانی ڕێكخراوه‌ و حیزبه‌ سیاسیه‌كانی كوردستان، توركیا و ئاڵمان به‌ڕێوه‌ چوو.

له‌ سه‌ره‌تای مه‌راسمه‌كه‌، “ئایدا غوڵام وه‌یسی” و “فه‌ڕنووش ڕه‌سووڵی” وێڕای پیرۆزبایی كردنی ڕۆژی كۆمه‌ڵه،‌ به‌ زمانه‌كانی كوردی و فارسی به‌خێرهاتنی میوانه‌كانیان كرد. دواتر هاوڕێ “وریا ئه‌حمه‌دی” به‌ زمانی ئاڵمانی به‌خێرهاتنی نوێنه‌رانی حیزب و لایه‌نه‌ سیاسیه‌كانی ئاڵمان و توركیای كرد. مه‌راسمه‌كه‌ به‌ سروودی ئه‌نته‌رناسیۆناڵ، سروودی هاوپشتی چینی كرێكار له‌ لایه‌ن گرووپی سروودی كۆمه‌ڵه‌، ده‌ستیپێكرد، پاشان یه‌ك خوله‌ك بێده‌نگی بۆ ڕیزگرتن له‌ یادی ته‌واوی گیانبه‌ختكردووانی كۆمه‌ڵه‌ و حیزبی كۆمۆنیستی ئێران،هه‌روه‌ها ته‌واوی گیانبه‌ختكردووانی ڕێگای ئازادی و به‌رابه‌ری ڕاگیرا و بێده‌نگیه‌كه‌ به‌ خوێندنی سروودی “یاد باد” شكا. دواتر سروودی “ڕێی خه‌بات” خوێندرا و پاشان هاوڕێ “شۆڕش كه‌ریمی” ئه‌ندامی كۆمیته‌ی ناوه‌ندی كۆمه‌ڵه‌ وتارێكی سه‌باره‌ت به‌ گرینگی ئه‌و ڕۆژه‌، باروودۆخی جیهان، كوردستان و ئێران، هه‌روه‌ها ئه‌وله‌ویه‌ته‌كانی كۆمه‌ڵه‌ بۆ ئاماده‌بوان باس كرد. به‌دوای هاوڕێ شۆڕش دا، هاوڕێ “ئه‌سرین قادری” ئه‌ندامی كۆمیته‌ی ناوه‌ندی كۆمه‌ڵه‌ به‌ زمانی فارسی له‌سه‌ر بابه‌تی بزووتنه‌وه‌ی ژنان و دادخوازان چه‌ند وتارێكی پێشكه‌ش كرد. له‌ درێژه‌ی مه‌راسمه‌كه‌دا، دوو كۆپڵه‌ شێعر له‌لایه‌ن هاوڕێیان “ته‌رزه‌ عه‌باسی” و “شه‌مێ سه‌ڵه‌واتی” خوێندرا و دوایی سروودی سووره‌ سوار پێشكه‌ش كرا. پاش خوێندنه‌وه‌ی لیستی ئه‌و ڕێكخراوه‌ و حیزبانه‌ی له‌ مه‌راسمه‌كه‌دا به‌شداربوون، ئه‌و په‌یامانه‌ی نێردرابوو خوێندرا و پاشان “ڕادا فاتحی” له‌ ده‌ستبه‌سه‌ركراوانی شۆڕشی ژینا و خۆشكی هه‌میشه زیندوو “ڕامین فاتحی” و “مێهرداد سه‌بووری” له‌ برینداره‌كانی شۆڕش وتارێكیان پێشكه‌ش كرد. به‌شی دووهه‌می مه‌راسمه‌كه‌ به‌ به‌شداری “سانان محه‌مه‌دی”، “شاهرۆخ شه‌ریفی” و” شاهۆ سه‌ریفی” چالاكی هونه‌ری پێشكه‌ش كرا و ڕێوڕه‌سمه‌كه‌ له‌ نێو خۆشی و شایی ئاماده‌بوواندا كۆتایی پێهات.

بابەتی پەیوەندیدار

ئاگردانی پۆسته‌ری نوێنه‌رانی مه‌جلسی ڕژیم له‌ كوردستان و ئێران

-

به‌ڕێوه‌چوونی مه‌راسمی ناشتنی ته‌رمی “كاوه‌ سه‌ڕاف” كاسبكاری گیانبه‌ختكردووی سه‌رده‌شت

-

بەیاننامەی لاوانی شۆڕشگێڕی جوانڕۆ بۆ بایکۆتی هەڵبژار‏دنی ڕژیم

-

برینداربوونی ١٩ كۆڵبه‌ر له‌ سنووری نه‌وسوود

-

بانگهێشتی “سوونیا شه‌ریفی” بۆ دادگای ئاودانان

-

ئاگرگرتنی بازاڕای تاناكۆرای هه‌ولێر و ژاراویبوونی ٢٠ كه‌س

-