به‌ڕێوه‌چوونی مه‌راسمی ڕۆژی جیهانی كرێكار له‌ ڕۆژئاوای كوردستان

ڕۆژی دووشه‌ممه‌ ١١ی مانگی گوڵان، خه‌ڵكی ئازادیخوازی ڕۆژئاوای كوردستان مه‌راسمی ڕۆژی جیهانی كرێكاریان به‌ به‌شداری به‌رینی خه‌ڵك به‌ڕێوه‌ برد.

به‌پێی ڕاپۆرته‌كان، مه‌راسمی ڕۆژی جیهانی كرێكار له‌ شاره‌كانی ڕه‌قه‌ و حه‌سه‌كه‌ به‌ به‌شداری به‌رینی كرێكاران و خه‌ڵكی ئازادیخواز له‌ ڕۆژئاوای كوردستان به‌ڕێوه‌چوو. جێگای ئاماژه‌یه‌ كه‌ به‌رپرسانی ئیداره‌ی خۆبه‌ڕێوه‌به‌ری ڕۆژئاوای كوردستان، حیزب و لایه‌نه‌ سیاسی و مه‌ده‌نیه‌كان له‌و مه‌راسمانه‌ به‌شدار بوون و سه‌باره‌ت به‌ گرینگی ئه‌و ڕۆژه‌ و باروودۆخی كرێكاران قسه‌ و باسیان كرد و له‌ كۆتاییش دا خه‌ڵاتیان به‌ كرێكارانی زه‌حمه‌تكێش به‌خشی.