ڕۆژی پێنجشه‌ممه ١٥ی مانگی به‌فرانبار، مه‌راسمی چله‌ی گیانبه‌ختكردووی ڕێگای ئازادی “ڕه‌زا كازمی” له شاری مووچش و به به‌شداری به‌رینی خه‌ڵك به‌ڕێوه‌چوو.
به‌پێی ئه‌و گرته ویدیۆیانه‌ی له تۆڕه كۆمه‌ڵایه‌تیه‌كاندا بڵاوكراوه‌ته‌وه، خه‌ڵكی مووچش و كامیاران به‌شداری به‌رینیان له مه‌راسمی چله‌ی ماته‌مینی “ڕه‌زا كازمی” كردووه و به وتنه‌وه‌ی دروشم دژبه كۆماری ئیسلامی جه‌نایه‌ته‌كانی ڕژیمیان شه‌رمه‌زار كردووه، جێگای ئاماژه‌یه كه “ڕه‌زا كازمی” ته‌مه‌ن ١٦ ساڵ له ڕه‌‌وتی ناڕه‌زایه‌تیه‌كانی ئه‌و شاره به ته‌قه‌ی ڕاسته‌وخۆی سه‌ركوتگه‌رانی ڕژیم گیانی له پێناو ئازادی و به‌رابه‌ریدا به‌ختكرد و تێكه‌ڵ به كاروانی نه‌مران بوو.