ڕۆژی چوارشه‌ممه ٢٢ی ڕه‌شه‌ممه‌ی ١٤٠٣، له گوندی “ده‌ریاز” سه‌ر به شاری مه‌هاباد، مه‌راسمی پێشوه‌ختی نه‌ورۆز به به‌شداری به‌رینی خه‌ڵكی ئه‌و شاره و شاره‌كانی دیكه‌ی كوردستان به‌ڕێوه چوو.
له مه‌راسمه‌كه‌دا به‌شداربووان به له به‌ر كردنی جلوبه‌رگی ڕه‌نگاوه‌ڕه‌نگی كوردی و به هه‌ڵكردنی ئاگر، بەرەوپیری به‌هاری سه‌ركه‌وتن چوون. له ڕۆژانی ڕابردوودا خەڵکی شۆرشگێری کوردستان به به‌ڕێوه‌چوونی مه‌راسمه‌كانی نه‌ورۆز له ناوچه جیاوازه‌كانی كوردستان،هێمایه‌كیان له یه‌كگرتوویی و یه‌كده‌نگیان نیشان داوە.