ڕۆژی پێنجشه‌ممه ٢ی خاكه‌لێوه‌ی ١٤٠٣، مه‌راسمی نه‌ورۆز له وڵاتانی ئه‌رمه‌نستان، به‌ریتانیا، نۆرویژ و سویس به به‌شداری كوردستانیان به‌ڕێوه چوو.
به‌پێی ئه‌و وێنانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، كوردستانیان له هه‌ر حیزب و لایه‌نێكی سیاسی به جۆش و خرۆشه‌وه به‌شداری مه‌راسمه‌كانی نه‌ورۆز بوون و پاش داگیرساندنی ئاگری سه‌ركه‌وتن، به ده‌وریدا شایی و خۆشیان ده‌ربڕیوه. به‌شداربووانی مه‌راسمه‌كانی نه‌ورۆز ڕایانگه‌یاند كه هیوادارن به‌هاری ئه‌مساڵ، به‌هاری سه‌ركه‌وتنی گه‌لی كورد له هه‌ر چوارپارچه‌ی كوردستان بێت.