“محه‌ممه‌د ڕه‌سووڵۆف سینماكاری ناوداری ئێرانی و دژبه‌ری كۆماری ئیسلامی كه له چه‌ند حه‌فته‌ی ڕابردوودا به شێوه‌ی نهێنی له ئێران چووه‌ته ده‌ره‌وه، ڕۆژی هه‌ینی ٤ی جۆزه‌ردان له مه‌راسمی بڵاوبوونه‌وی فیلمه‌كه‌ی له فستیواڵی كه‌ن له فه‌ڕانسه به‌شداری كرد و پێشوازی گه‌رمی لێ كرا.
“محه‌ممه‌د ڕه‌سووڵۆف هاوڕێ له‌گه‌ڵ كچه‌كه‌ی و كۆمه‌ڵێك له ئه‌كته‌ره‌كانی فیلمی “ده‌نكی هه‌نجیری پیرۆز” له‌سه‌ر فه‌رشی سوور حازر و وێنه‌ی دوو ئه‌كه‌ته‌ری سینه‌مای ئێران به ناوه‌كانی “سۆهه‌یلا گۆڵستانی” و “میساق زارع” كه له‌لایه‌ن ڕژیمه‌وه قه‌ده‌غه‌ی چوونه‌ده‌ره‌وه له وڵاتیان به‌سه‌ردا سه‌پێندراوه، به ده‌سته‌وه گرت. ڕه‌سووڵۆف له‌لایه‌ن به‌شداربووانی ئه‌و فستیواڵه‌وه پێشوازی گه‌رمی لێ كرا و ئه‌كته‌ره‌كانی فیلم دروشمی ژن،ژیان،ئازادیان به‌رز كرده‌وه.