ڕۆژی چوارشه‌ممه ٢ی مانگی سه‌رماوه‌ز، فڕۆكەی بێفڕۆكەوانی دەوڵەتی توركیه لە شارۆچكەی “تل تەمه‌ر”، ناوەندێكی سەربازی هاوبەشی هێزەكانی سوریای دیموكرات – قەسەدە و ڕووسیای بۆردومان كرد.
بەپێی ڕاپۆرته‌كان، لە ئەنجامی هێرشە ئاسمانییەكانی دەوڵەتی توركیه بۆسەر ڕۆژئاوای كوردستان، ١١ شەڕڤانی “قه‌سه‌ده” و ١٥ هاووڵاتی گیانیان به‌ختكرد و ژمارەیەكی بەرچاو لە ناوەندە خزمەتگوزارییەكان لەوانەش خوێندنگە، نەخۆشخانە و بنكەی تەندروستی خاپور بوون و هەروەها، چەند وێستگەیەكی نەوت و سووتەمەنی كراونەتە ئامانج و زیان بەر هێڵەكانی كارەباش كەوتووە.