رۆژی ڕابردوو بەهۆی تەقینەوەی گاز لە گوندی ئیلاهیەی سەر بە شاری سەحنە شەش ئەندامی خێزانێک بەسەختی بریندار بوون و ڕاگوێزی نەخۆشخانەی دەرمانی ئەو شارە کران.
بەپێی هەواڵی گەییشتوو بە تۆڕی میدیایی کۆمەڵە، ئەو ڕووداوە بەهۆی ئاگر تێبەربوون و تەقینەوەی “کەپسوولی گازی” ئەو ماڵە ڕوویداوە و باری تەندرووستی دوو کەس لە بریندارانی ئەو ڕووداوە ناجێگیرە و لە ژێر چاودێری وردی پزیشکی دان