ڕۆژی یەکشەممە ٢٤ی مانگی ڕێبەندان، کۆڵبەرێک بە ناوی “عوسمان بەدری” خەڵکی گوندی “وانیسەر”ی سەر بە سەلاسی باوەجانی لە کاتی کۆڵبەری لە سنووری نەوسوود، بە تەقەی هێزە چەکدارەکانی ڕژیم بریندار کرا.
بە وتەی سەرچاوەیەکی ئاگادار، هێزە چەکدارەکانی ئێران بە بێ هیچ ئاگادار کردنەوەیەک تەقەیان لە ئەو کۆڵبەرە کردووە و لە بەشی سەریەوە بە سەختی بریندار کراوە و دواتر بە مەبەستی وەرگرتنی چارەسەریی پزیشکی ڕەوانەی ناوەندە دەرمانییەکانی شاری پاوە کراوە.