به‌یانی شه‌ممه ٨ی به‌فرانبار، سرویسی هاتووچۆی كرێكارانی كارخانه‌یه‌كی سه‌نعه‌تی له مشگین شاری ئه‌رده‌بیل، وه‌رگه‌ڕا و به‌وهۆیه‌وه ١٦ كه‌س بریندار بوون.
به‌پێی زانیارییه‌كان، كۆن بوونی سرویسی گواستنه‌وه‌ی كارخانه و ناستانداردبوونی جاده‌كه هۆكاری وه‌گه‌ڕانی مینی بووسی هه‌ڵگری كرێكاران بووه. له‌و ڕووداوه‌دا ١٦ كارگه‌ر بریندار بوون كه ١٤ كه‌سیان برینه‌كانیان سووك بووه و دوو كه‌س دۆخی ته‌ندرووستیان ناجێگیره.