برینداربوونی هاووڵاتیه‌كی به‌لووچ به‌ ته‌قه‌ی هێزه‌كانی ڕژیم له‌ زاهیدان

شه‌وی چوارشه‌ممه‌ ٢٤ی ڕه‌شه‌مه‌، هاووڵاتیه‌كی به‌لووچی خه‌ڵكی زاهیدان به‌ ته‌قه‌ی ڕاسته‌وخۆی هێزه‌كانی كه‌ڵانته‌ری ١٥ی ئه‌و شاره‌ به‌سه‌ختی بریندار بوو.

به‌پێی ڕاپۆرته‌كان، ناسنامه‌ی ئه‌و هاووڵاتیه‌ به‌لووچه‌ “دانیال به‌راهوویی”یه‌ و له‌لایه‌ن هێزه‌كانی كه‌ڵانته‌ری ١٥ی زاهیدانه‌وه‌ به‌بێ هۆكار و ئاگادار كردنه‌وه‌ی پێشوه‌خت به‌ دوو قیشه‌ك پێكراوه‌ و ئێستا له‌ به‌شی “ئای.سی.یوو”ی نه‌خۆشخانه‌ به‌ستری كراوه‌ و باری ته‌ندرووستی ناجێگیره‌. شایانی باسه‌ كه‌ ساڵانه‌ به‌ ده‌یان شارۆمه‌ندی به‌لووچ به‌ ته‌قه‌ی ڕاسته‌وخۆی هێزه‌ سه‌ركوتگه‌ره‌كانی ڕژیم گیان له‌ده‌ست ئه‌ده‌ن یان بریندار ئه‌بن.