ڕۆژی دووشەممە ١٢ی گه‌ڵارێزان، کۆڵبەرێکی خەڵکی شاری بانە بە ناوی “ئەیووب حسێنی” بە تەقەی هێزە نیزامییەکانی ڕژیم لە سنووری “هەنگەژاڵ”ی ئەو شارە بریندار کرا.
به پێی ئه‌م ڕاپۆرته، ناوبراو لەگەڵ ژمارەیەکی دیكه لە کۆڵبەران له‌كاتی كۆڵبه‌ری له سنووری شاری بانه ته‌قه‌ی لێكراوه. جێگه‌ی ئاماژه‌یه، “ئەیووب حسێنی” بۆ چارەسەریی پزیشکی ڕەوانەی ناوەندی دەرمانیی شاری بانە کراوە. هه‌ر لەم پەیوەندییەدا، ڕۆژی دووشەممە كۆڵبه‌رێكی دیكه به ناوی “سیاوەش کورە سوننی”، خەڵکی گوندی “ڕاویانـ”ـی بەخشی کوتۆلی شاری خۆی، بە تەقەی هێزە نیزامییەکانی حکوومەت گیانی لەدەست دابوو.