به‌پێی هه‌واڵی گه‌یشتوو به كۆڵبه‌رنیووز، ڕۆژی سێشه‌ممه 17ی مانگی خه‌زه‌ڵوه‌ر، كۆڵبه‌رێكی خه‌ڵكی سه‌لاسی باوه‌جانی به‌ناوی “دارا شه‌یخ مورادی” به ته‌قه‌ی هێزه‌كانی ڕژیم به‌سه‌ختی بریندار كرا.
به‌پێی ڕاپۆرته‌كان، له سنووری میله‌ی نه‌وسوود كۆمه‌ڵێك كۆڵبه‌ر ده‌كه‌ونه بۆسه‌ی هێزه‌كانی ڕژیم و كۆڵبه‌رێك به‌ناوی “دارا شه‌یخ مورادی” به ده‌ستڕێژی گولله‌ی هێزه‌كانی ڕژیم به‌سه‌ختی بریندار و بۆ وه‌رگرتنی چاره‌سه‌ری پزیشكی ڕه‌وانه‌ی نه‌خۆشخانه ده‌كرێت.