برینداربوونی سێ كه‌س به‌هۆی تۆپبارانی ڕۆژئاوای كوردستان له‌لایه‌ن توركیا

ڕۆژی شه‌ممه‌ ١٨ی سه‌رماوه‌زی ١٤٠٢، ئه‌رته‌شی توركیا گوندی ده‌شیشه‌ی له‌ شاری تلته‌مه‌ر بۆردوومان كرد و به‌وهۆیه‌وه‌ سێ كه‌سی مه‌ده‌نی به‌سه‌ختی بریندار بوون.

به‌پێی ڕاپۆرته‌كان، له‌ هێرشی تۆپخانه‌كانی ئه‌رته‌شی توركیا بۆ سه‌ر تلته‌مه‌ر و گونده‌كانی ده‌وروو به‌ری، سێ كه‌سی مه‌ده‌نی كه‌ بریتی بوون له‌ داێكێكی ته‌مه‌ن ٤٠ ساڵ و دوو منداڵی ته‌مه‌ن ١٦ و ١٠ ساڵ به‌سه‌ختی بریندار و ڕه‌وانه‌ی نه‌خۆشخانه كران.