ڕۆژی یه‌كشه‌ممه ١٥ی ڕێبه‌ندان، دوو كۆڵبه‌ری خه‌ڵكی سه‌لاسی باوه‌جانی به ناوه‌كانی “حه‌مزه یووسفی” و “مه‌نسوور پیروه‌یسی” به ته‌قه‌ی هێزه‌كانی ڕژیم له سنووری نه‌وسوود بریندار كران.
به‌پێی ڕاپۆرتی كۆڵبه‌رنیووز، ڕۆژی یه‌كشه‌ممه كۆمه‌ڵێك كۆڵبه‌ر له سنووری نه‌وسوود كه‌وتنه بۆسه‌ی هێزه‌كانی ڕژیم و ڕاسته‌وخۆ ته‌قه‌یان لێكرا. له ئاكامی ئه‌و هێرشه‌دا دوو كۆڵبه‌ری خه‌ڵكی سه‌لاسی باوه‌جانی به ناوه‌كانی “حه‌مزه یووسفی” و “مه‌نسوور پیروه‌یسی” بریندار و ڕه‌وانه‌ی نه‌خۆشخانه كران. له هه‌واڵێكی دیكه‌دا، دۆخی ته‌ندرووستی كۆڵبه‌رێكی خه‌ڵكی سه‌لاسی باوه‌جانی به ناوی “خه‌لیل مسری” كه ڕۆژی شه‌ممه ١٤ی ڕێبه‌ندان له نزیك شارستانی شاهۆ تووشی ڕووداوی هاتووچۆ ببوو، ناجێگیره و ڕه‌وانه‌ی نه‌خۆشخانه‌ی تاڵقانی كرماشان كراوه.