کۆمەڵە_رێكخراوی كوردستانی حیزبی كۆمونیستی ئیران
كوردستان هه‌واڵه‌کان

برینداربوونی دوو كۆڵبه‌ر و دوو كاسبكار له‌ سنووره‌كانی ڕۆژهه‌ڵاتی كوردستان

به‌ پێی هه‌واڵی گه‌یشتوو به‌ كۆڵبه‌رنیووز، ڕۆژی چوارشه‌ممه‌ ٤ی مانگی جۆزه‌ردان، كۆڵبه‌رێك به‌ ناوی “مادێح كه‌ریمی” خه‌ڵكی گوندی “بڵبه‌ر” به‌ هۆی به‌ربوونه‌وه ‌له‌ به‌رزاییه‌ سنوورییه‌كانی “ته‌ته‌”ی هه‌ورامان به‌سه‌ختی برینداربوو و كۆڵبه‌رێكی دیكه‌ به‌ ناوی “عۆسمان ساسانی” خه‌ڵكی گوندی “ده‌ریی” سه‌ر به‌شاری مه‌ریوان، به‌ ته‌قه‌ی ڕاسته‌وخۆی هێزه‌كانی ڕژیم له‌ سنووری نه‌وسوود به‌سه‌ختی برینداركراوه‌. له‌ هه‌واڵێكی دیكه‌دا دوو كاسبكار به‌ ناوه‌كانی “بروومه‌ند یۆسفی” و “ئه‌كبه‌ر شه‌فیعی” خه‌ڵكی شاری “گیلانغه‌رب” به‌ هۆی ئه‌شكه‌نجه و لێدانی هێزه‌ سنوورییه‌كانی ناوچه‌ی “سوومار” به‌سه‌ختی بریندار كراون.

به‌ پێی زانیارییه‌كان، “مادێح كه‌ریمی” پاش به‌ربوونه‌وه‌ له‌ به‌رزایی بۆ وه‌رگرتنی چاره‌سه‌ری پزیشكی ڕه‌وانه‌ی نه‌خۆشخانه‌ی “بووعه‌لی” مه‌ریوان كراوه‌، هه‌روه‌ها كۆڵبه‌ره‌ برینداره‌كه‌ی سنووری نه‌وسوود ڕۆخساری به‌سه‌ختی برینداربووه‌ و له‌ ئێستادا له‌ نه‌خۆشخانه‌ی شاری پاوه‌ له‌ ژێر چاودێری پزیشكیدایه‌. به‌ وته‌ی سه‌رچاوه‌ خۆجێیه‌كان، هێزه‌ سنوورییه‌كانی “سوومار” سه‌ره‌ڕای ته‌قه‌ی هه‌وایی به‌سه‌ر كاسبكاراندا، كۆڵه‌كانیان زه‌وت كردوون و په‌روه‌نده‌ی قه‌زاییان له‌ دادگای “گیلانغه‌رب” بۆ سازكردوون.

بابەتی پەیوەندیدار

كوژرانی دوو ژنی بنه‌ماڵه‌یك له‌لایه‌ن پیاوی بنه‌ماڵه‌كه‌وه‌ له‌ “ده‌ڕه‌شار”ی ئیلام

komalah

گیان له‌ده‌ستدان و برینداربوونی پێنج كه‌س له‌ ڕووداوێكی هاتووچۆ له‌ سه‌وڵاوا

komalah

چوونه‌سه‌ره‌وه‌ی ڕێژه‌ی تووشبووان به‌ “وه‌با” له‌ ئۆستانی كوردستان

komalah

ناڕوونی چاره‌نووسی به‌ندكراوێكی خه‌ڵكی بۆكان له‌ گرتووخانه‌ی ئیتلاعاتی سپای ورمێ

komalah

گیان له‌ده‌ستدانی مامۆستایه‌كی ناوداری فیزیكی خه‌ڵكی بیجاڕ له‌ شاری تاران

komalah

خۆپێشاندانی دانیشتووانی سه‌ریكانی” دژبه‌ گرووپه‌ ئیسلامگه‌راكانی سه‌ر به‌ توركیا

komalah