له ماوه‌ی ڕۆژانی ڕابردوودا، كۆڵبه‌رێكی كه‌م ئه‌ندامی خه‌ڵكی مه‌ریوان به ناوی “هێمن خۆسره‌وی” و كۆڵبه‌ێكی خه‌ڵكی بانه به‌ناوی “ڕزگای مه‌ولوودزاده” به ته‌قه‌ی هێزه‌كانی ڕژیم به‌سه‌ختی بریندار بوون.
به‌پێی ڕاپۆرتی گه‌یشتوو به كۆڵبه‌رنیووز، كۆڵبه‌رێكی كه‌م ئه‌ندامی خه‌ڵكی مه‌ریوان به ناوی “هێمن خوسره‌وی” ڕۆژی پێنجشه‌ممه ٥ی گه‌لاوێژ به ته‌قه‌ی هێزه سنوورییه‌كانی بانه بریندار و دواتر له‌لایه‌ن سه‌ركوتگه‌رانی ڕژیمه‌وه ئازار دراوه. هه‌روه‌ها ڕۆژی دووشه‌ممه ٢ی گه‌لاوێژ، كۆڵبه‌رێكی خه‌ڵكی بانه به ناوی “ڕزگار مه‌ولوودزاده” به ته‌قه‌ی ڕاسته‌وخۆی چه‌كدارانی ڕژیم بریندار و ڕاگوێزی نه‌خۆشخانه كراوه.