×

مێنۆی سه‌ره‌وه‌

مێنۆی سه‌ره‌كی

ده‌ستڕاگه‌یشتنی خێرا

هه‌واڵی ماڵپه‌ڕ

false
true
false

به‌هۆی ئه‌وه‌ کە توند بوونەوەی کێشەکانی نێو ڕژیمی کۆماری ئیسلامی و دەوڵەتی ئەمریکا لە حەفتەکانی دواییدا کۆمەڵێک هیوای نوێی لە دڵی ئەو بەشە لەو هێزە ئوپوزسیۆنە بۆرژواییانەی کە بۆ خزین بەرەو دەسەڵات بە دەستێوەردانی ئەمریکا پشت گرمن بەدی هێناوە. به‌هۆی ئه‌وه‌ کە پشت بەستن بە دەخاڵەتی ئەمریکا و هێزە رۆژئاواییەکان بۆ گۆڕینی هاوسەنگی هێز بە قازانجی خۆیان و دەست بەدەست بوونی دەسەڵات لە سەرەوە کۆڵەکەی ستراتێژیكی سیاسەتی بەشێک لە حیزب و هێزە ئوپوزسیۆنە بۆرژواییەکانە، نابێ ئەم مه‌ترسییه‌ دەستی کەم بگرین. لە هەمانحاڵدا نابێ بێڵین هیچ بەشێک لە کۆمەڵگا لەبەر دژی ئەمریکایی گەری بکەونە داوی تەبلیغاتی کۆنەپەرستانە و ناسیۆنالیستی کۆماری ئیسلامیەوە، نابێ ڕێگه‌ بدرێت هیچ کەس لەبەر دژایەتی لەگەڵ کۆماری ئیسلامی یان بێ هیوابوون بە شۆڕش بکەونە داوی دیفاع لە سیاسەتی ئیمپڕیالیستی ئەمریکا و یان ئوپوزسیۆنی لایەنگریەوە. لەم نێوانەدا چینی کرێکار و خەڵکی ستەم دیتوی ناوچەکە دەبێ بزانن کە کێشمەکێشی لایەنەکانی ئەم کێشەیە هیچ پێوەندیەکی بە بەرژەوەندی ئەوانەوە نییە. ئەگەر دەوڵەتی ئەمریکا و کۆماری ئیسلامی هەردووکیان هەوڵ ئەدەن کە بەرژەوەندیە ئیمپڕیالیستی و سەرمایەدارانەی خۆیان هاوتەریب لەگەڵ قازانج و بەرژەوەندی خەڵکدا نیشان بدەن بەم هۆکارە سادەیە کە دیانەوێ جەماوەری خەڵک بکەنە پیادە نیزامی کێشەی کۆنەپەره‌ستانه‌ی خۆیان. بەڵام بۆ کرێکارانی تێکۆشەر بێجگە لە خەبات بۆ روخاندنی شۆڕشگێڕانەی کۆماری ئیسلامی و لەقاودانی ماهیەتی ڕاستەقینەی سیاسەتی ئیمپڕیالیستی دەوڵەتی ئەمریکا و ئەو بەشە لە هێزە ئوپوزسیۆنەکان کە دڵیان بە دخاڵەتی ئەمریکا خۆش كردووه‌ هیج ڕێگایەکی تر  نییە.

  ٨ – بەڵام سەرەڕای ئەم کۆسپانە و کاریگەریەک کە توند بوونەوەی هەژاری و فەلاکەتی ئابووری و ئەمنیەتی کردن و جەنگی کردنی فەزای سیاسی کۆمەڵگا لەسەر هێور کردنەوەی ڕەوتی گەشە و سەرتاسەری بوونەوەی بزوتنەوەی متالباتی هەیەتی، خەباتی کرێکاران، خانەنشینان و باقی چین و توێژە بێبەشەکانی کۆمەڵگە بەشێوەیەکی چارهەڵنەگر دەرێژەی دەبێت. کۆماری ئیسلامی ڕیگای پاشەکشەی نەهێشتۆتەوە. چون ئەو موسیبەت، بێمافی و بێبەشیانەی کە چینی کرێکار و توێژی هەژاری کۆمەڵگای کێشاوەتە گۆڕەپانی خەبات و بەرەو روو بوونەوە لەگەڵ کۆماری ئیسلامیەوە و ئەو متالباتەی کە ئاڵایان بۆ هەڵکردوە، ڕیشەی لە مناسباتی سەرمایەداری، گەندەڵی نیهادینە بوو وە قەیرانێکی چەند لایەنە دایە کە سەر تا پای ئەم نیزامەی گرتۆتەوە. کۆماری ئیسلامی نە تەنیا لە وڵامدانەوە بەم داخوازیانە داماوە، بەڵکو بە توند بوونەوەی هەژاری و فەلاکەت و پەرەسەندنی بێکاری زەمینەی عەینی بۆ پەرەگرتنی ناڕەزایەتیی و ئاخێزی خۆڕسکی جەماوەری فەراهەم کردوە.

  ٩ – یەکێک لە مێحوەری ترین ئەرکەکانی هەڵسوڕاوانی ڕادیکاڵی بزوتنەوە کۆمەڵایەتی و هێزە کومونیستەکان لە بارودۆخی ئیستادا پەرەدان بەم بزوتنەوە متالباتی و ناڕەزایەتیانەیە. حوزوری چالاکانە لە خەباتی ئێستای کرێکاران و توێژی هەژاری کۆمەڵگا لە دەوری ئەو داخوازییە هه‌نوكه‌یانه‌ی كه‌ هەیانە، بە سەرکەوتنی ئەم خەباتە و یارمەتیدانی بەرز بوونەوەی ئاستی وەحدەتی کرێکاران لە ناخیدا، هەوڵدان بۆ سازمانیابی و سەرتاسەری کردنەوەی ئەم خەباتە، لە پێش مەرجەکانی بەرەو پێش چوونی بزوتنەوەی کرێکاری و ناڕەزایەتی هەژارانی کۆمەڵگایە. لەسەر بەستێنی درێژە و بەرەوپێش چوونی ئەم بزوتنەوە متالباتیەیە کە زەمینە بۆ بەرپا بوونی تەشەکولی جەماوەری و چینایەتی کرێکاران فەراهەم دەبێت و گرایش بەرەو تەحەزوب یابی کومونیستی لەنێو کرێکاراندا و بەتایبەت هەڵسوڕاوان و پێشڕەوانیدا بەهێز دەبێت.

  ١٠ – لە ئاستی ستراتێژیکدا یەکێک لە گرنگ ترین ئەرکەکانمان لە بارودۆخی ئیستادا دانانی روخاندنی شۆڕشگێڕانەی ڕژیمی کۆماری ئیسلامیە لە ئاسۆی ئەم بزوتنەوە متالباتی و ناڕەزایەتیەیە. لەم بوارەدا دەبێ وێنایەکی روون لە روخاندنی شۆڕشگێڕانەی کۆماری ئیسلامی بە واتای تێکشکاندنی سپای پاسداران و ئەڕتەش، هەڵوەشاندنەوەی هێزە ئینتیزامیەکان و سەرجەم ئۆرگانە سەرکوتگەرەکان و دامودەزگا پان و بەرینە بروکراتیکە دەوڵەتیەکان و ناوەندەكانی تەبلیغاتی و ئیدئۆلۆژیکی کۆماری ئیسلامی و هەڵوەشاندنەوەی یاسای بنەڕەتی و باقی یاسا دژی ئینسانیەکانی کۆماری ئیسلامی لە ئاستی بزوتنەوەکەدا، ڕەواج پێبدەین تا هیچ هێزێک نەتوانێ لەگەڵ دەست  بەدەست بوونی دەسەڵاتی سیاسی لە سەرەوە، بەر بە بەرەو پێشەوە چوونی شۆڕش بگرێت. دەبێ ماهیەتی چینایەتی دەوڵەتێک کە دوای روخانی کۆماری ئیسلامی دەسەڵات بە دەستەوە دەگرێت بە روونی پیشان بدرێت. چینی کرێکار بە ئیعتیباری ده‌ورێك کە لە بەرهەمهێنانی کۆمەڵایەتیدا و بەسەر پێوە ڕاگرتنی کۆمەڵگادا هەیەتی، بەم ئیعتیبارەوە لە مێحوەری بزوتنەوەی متالباتی و ناڕەزایەتیدا قەراری گرتوە و هێزی بزوینەری شۆڕشە، پوتانسیەلی ئەوەی هەیە کە لە ڕێگای بەرپا کردنی بزوتنەوەی شوڕاییەوە لە ناخی بەرەو پێشچوونی خەباتی ئێستا لە ڕێبەریی شۆڕشدا قەرار بگرێت و لەگەڵ زەحمەتکێشان و هەژارانی شاریی، دەوڵەتی کرێکاری دابمەزرینێ و بە چەکدار کردنی کرێکاران و جەماوەری شۆڕشگێڕ بۆ دیفاع لە ئازادیەکان و مـافی خەڵک، خۆڕاگری دژی شۆڕشی کۆماری ئیسلامی و هەر هێزێکی کۆنەپەرستی تر تێكبشکێنێ. دەبێ بە کرێكاران و خەڵکی نیشان بدەین کە ئەمەش کارێکی کردەییە.

١١ – لەژێر گوشاری بزوتنەوەی متالباتی و ئەو داخوازییە ڕادیکاڵانەی کە لە لایەن کرێکاران، ژنان و خوێندکارانەوە لە جەریانی ناڕەزایەتیەکاندا دێنەگۆڕێ، بەشە جۆراو جۆرەکانی ئوپوزسیۆنی بۆرژوازیش بە ئامانجی بە لاڕێدا بردنی ئەم ناڕەزایەتیانە، مودەعی دیفاع لە متالباتەکانیان بوون. ئەم هێزە نە تەنیا پرۆژەیەکی بۆ روخاندنی کۆماری ئیسلامی نییە، بەڵکو هیچ ڕێگا چارەیەکیشی بۆ کۆتایی هێنان بە هەژاری و فەلاکەتی ئابووری و بێبەشیە کۆمەڵایەتیەکان نییە. ڕێگا چارەی ئوپوزسیۆنی بۆرژوازی بۆ کۆتایی هێنان بەم قەیرانە ئابوورییە لە باشترین حاڵەتدا سپاردنی بەدەستی مودیرانی تێکنوکرات، ئاسایی کردنەوەی مناسبات لەگەڵ رۆژئاوا و لابردنی کۆسپە سیاسیەکان لەسەر ڕێگای تێکەڵ بوونی زیاتری سەرمایەداری ئێران لە بازاڕی جیهانی و درێژەی بەرنامە ئابووریە نیئۆلیبڕالیەکانە. ئەوە لە حاڵێکدایە کە مناسباتی سەرمایەداری و به‌ڕێوه‌چوونی بەرنامە نیئۆلیبڕالیەکانی کۆمەڵگای ئێرانی به‌ره‌و ڕووی کارەساتی بێکاری، قەیرانە ژینگەیی و هەژاری و فەلاکەتی گشتی کردۆتەوە. بەم جۆرە بەشێک لە هەوڵی کۆمۆنیستەکان بۆ دابین بوونی ڕێبەریی سۆسیالیستی بریتییه‌ له‌ له‌قاودانی پلاتفۆڕمی موتاڵباتی ئەم هێزانه‌ی كه‌ هه‌وڵ ده‌ده‌ن مناسباتی سەرمایەداری لە بەرانبەر هێرشی شۆڕشدا بپارێزن.

  ١٢ – بۆ مەقبوڵیەتی کۆمەڵایەتی بەخشین بە ئاڵترناتیوی سۆاسیالیستی و دابین بوونی ڕێبەریەکەی، ئاوڕ دانەوە لەو گرفتە کۆمەڵایەتیانەی کە پێویستی بەدیلێکی سۆسیالیستی بە روونی ئاشکرا دەکات و نیشانی ده‌دات کە خاوەنی چ گرنگیەکی حەیاتییە. ئێمە دەبێ هەمومان لەبەرانبەر گشت ئەو کێشە و گرفتە کۆمەڵایەتیانەدا کە بەرۆکی جەماوەری کرێکار و زۆربەی خەڵکی ئێرانی گرتوە بۆ نمونە لە بارەی کارەساتی بێکاریەوە کە ئاستەکەی گەیشتۆتە سنوری کارەساتبار و هۆشداری دەر، کارەساتی منداڵانی کار و خیابانی، گرفتی گیرۆدەبوون و لەشفرۆشی، حاشیە نشینی، قەیرانی ژینگەیی، و دەیان گرفتی تر، ڕێگا چارەی سۆسیالیستی بخاتەبەردەم کۆمەڵگا و لە خەبات بۆ سڕینەوەی ئەم گرفتە کۆمەڵایەتیانە، چالاکانە بەشداری بکەین. نیشانی بدەین کە لابردنی ئەم کۆمەڵە گرفتە کۆمەڵایەتیانە بەبێ هێرش کردنە سەر سەرمایە مومکین نییە. نیشانی بدەین کە هیچ کام لە بەشەکانی ئوپوزسیۆنی بۆرژوایی ئێران بە ڕێگا چارەی ئابووریی نیئۆلیبڕالی ناتوانن وڵامدەرەوەی چارەسەری ئەم گرفتە کۆمەڵایەتیانە بن.

 

 

 

true
Tags :

ئه‌م بابه‌ته‌ بێ ته‌گ دانراوه‌.

true
true
true

ئێوه‌یش ده‌توانن ڕای خۆتان تۆمار بكه‌ن


- بابەتێک لێرە نییە-


false