کۆمەڵە_رێكخراوی كوردستانی حیزبی كۆمونیستی ئیران
كوردستان

بانگەوازی ڕێکخراوەکانی مافی مرۆڤ بۆ مانگرتنی گشتیی “نا بۆ لەسێدارەدان”

ڕۆژی دووشه‌ممه‌ ٩ی ڕێبه‌ندانی ١٤٠٢، پاش له‌سێداره‌دانی “پژمان فاتحی”، “محەممەد فەرامەرزی”، “وەفا ئازەربار” و “موحسن مەزڵووم” له‌ زیندانی قزلحه‌ساری كه‌ره‌ج، حه‌وت ڕێكخراوی مافی مرۆڤ له‌ ڕاگه‌یاندنێكدا بانگه‌شه‌ی مانگرتنی گشتیان له‌ شاره‌كانی ڕۆژهه‌ڵاتی كوردستان ڕاگه‌یاند.

له‌ به‌شێكی ئه‌و ڕاگه‌یاندنه‌دا هاتووه‌: “ڕیژەی لەسێدارەدان لە کوردستاندا بە ئاستێکی لەڕادەبەدەر چووەتە سەرەوە و ماشینی سەرکوتی کۆماری ئیسلامیی ئێران زۆر دڕندانە و بێشەرمانە لاوانی ئەم نیشتمانە دەکاتە قوربانی، وەک ئەوەی پەتی سێدارە و هێزی بێناوەڕۆکی خۆی بۆ سزادانی خەڵکی کوردستان و کوشتنی ئازادی و ئازادیخوازان بەکار دەهێنێت. لە دوایین هەوڵه‌ نەزۆکانەی حکوومەتی ئێراندا بەداخەوە سەرلەبەیانیی دووشه‌ممه‌، چوار لاوی بەندکراوی سیاسیی کوردی لەسێدارە دا و سزای لەسێدارەدانی شەش بەندکراوی سیاسی و ئایینیی دیکەی کورد لە دادگای باڵای ئێران پەسەند کراوە و ئەگەری جێبەجێکردنی سزای ئەو شەش هاووڵاتییەش لە ڕۆژانی داهاتوودا لە ئارادایە. ئێمە، کۆمەڵێک لە چالاکان و ڕێکخراوی داکۆکیکار لە مافەکانی مرۆڤ، داوا لە هەموو چین و توێژەکانی کۆمەڵگەی کوردستان دەکەین کە لە ڕۆژی سێشەممە ١٠ی بەهمەنی ١٤٠٢ بە بەشداریکردن

لە مانگرتنێکی گشتی و سەرانسەری، ناڕەزایەتیی خۆتان بەرانبەر بەم ڕەوتە نامرۆڤانەی حکوومەتی ئێران کە دژی بنەماکانی مافەکانی مرۆڤن، دەرببڕن. مەبەست لەم مانگرتنە تەنیا نیشاندانی دژایەتیی سزای سێدارە نییە، بەڵکوو ڕاکێشانی سەرنجی نەتەوەیی و نێونەتەوەییە بۆ دۆخی خراپ و نالەباری مافەکانی مرۆڤ لە کوردستان و کۆتاییهێنان بە سزای لەسێدارەدانە.

بابەتی پەیوەندیدار

ئاگردانی پۆسته‌ری نوێنه‌رانی مه‌جلسی ڕژیم له‌ كوردستان و ئێران

-

به‌ڕێوه‌چوونی مه‌راسمی ناشتنی ته‌رمی “كاوه‌ سه‌ڕاف” كاسبكاری گیانبه‌ختكردووی سه‌رده‌شت

-

بەیاننامەی لاوانی شۆڕشگێڕی جوانڕۆ بۆ بایکۆتی هەڵبژار‏دنی ڕژیم

-

برینداربوونی ١٩ كۆڵبه‌ر له‌ سنووری نه‌وسوود

-

بانگهێشتی “سوونیا شه‌ریفی” بۆ دادگای ئاودانان

-

ئاگرگرتنی بازاڕای تاناكۆرای هه‌ولێر و ژاراویبوونی ٢٠ كه‌س

-