ڕۆژی پێنجشه‌ممه ٢٣ی خه‌رمانان، چالاكێكی كرێكاری خه‌ڵكی سنه به ناوی “شادمان عه‌بدی” له‌لایه‌ن ئیداره‌ی ئیتلاعاته‌وه بانگهێشت و لێپرسینه‌وه‌ی لێ كرا.
به‌پێی ئه‌و ڕاپۆرته، هێزه ئه‌منیه‌تیه‌كان “شادمان عه‌بدی”یان خستۆته ژێر گوشار و هه‌ڕشه‌یان لێ كردووه تاكوو له كۆبوونه‌وه ناڕه‌زایه‌تیه‌كاندا به‌شداری نه‌كات. ناوبراو كۆتاییه‌كانی مانگی پووشپه‌ڕی ساڵی ڕابردوو له‌لایه‌ن لقی یه‌كی دادگای ئینقلابی سنه به سه‌رۆكایه‌تی قازی “سه‌عیدی” به تۆمه‌تی “هاوكاری له‌گه‌ڵ یه‌كێك له حیزبه كوردستانییه‌كان”، “هه‌وڵی تێكدانی ئه‌منیه‌تی نێوخۆیی و ده‌ره‌كی” و “پێكهێنانی گرووپی نایاسایی” به سێ ساڵ زیندانی ته‌عزیزی مه‌حكووم و سزاكه‌ی بۆ ماوه‌ی دوو ساڵ ته‌علیق كرا.