ڕۆژی چوارشەممە ١٨یمانگی ڕەشەممە،موعەلیمێکی شاری سنە بە ناوی “لوقمان ئەفزەڵی” لەلایەن هێزە ئیتلاعاتییەکانی ئەو شارەوەبه‌مه‌به‌ستی لێپرسینه‌وه بانگهێشتی ئه‌و ناوه‌نده ئه‌منییه کرا.
بەپێی بانگهێشتنامەکە، تۆمەتە پاڵخراوەکانیی ئەم هاووڵاتییە “بێڕێزیکردن بە نیزام” و “هەڵخەڵەتاندنی بیروڕای گشتی” ڕاگەیێندراوە. جێگای ئاماژەیە لە ماوەی ڕۆژانی ڕابردوو بەهۆی ناڕەزایەتی دەربڕینی موعەلیمانی سەرجەم شارەکانی ئێران و بەتایبەتی کوردستان، هێزە ئیتلاعاتیەکانی ڕژیم بە مەبەستی ترساندن و تێکدانی ئەو یەکگرتووییە کە موعەلیمان لە کۆبوونەوە ناڕەزایەتیەکاندا لە خۆیان نیشانیان دابوو، چەند موعەلیمێکی شارەکانی ڕۆژهەڵاتی کوردستان و ئێرانی دەستبەسەر کردووە و به‌و مه‌به‌سته لێپرسینەوەیان لەگەڵ کراوە.