ڕۆژی یه‌كشه‌ممه ١ی گه‌لاوێژ، دوو چالاكی سنفی فه‌رهه‌نگیانی ئێران به ناوه‌كانی “پیرووز نامی” و “موحسین عومرانی” له‌لایه‌ن دادگای شاره‌كانی ئه‌هواز و بووشێهر بانگهێشت كران.
به‌پێی حوكمی دادگا، “پیرووز نامی” ئه‌بێ ڕۆژی ١٥ی گه‌لاوێژی ئه‌مساڵ خۆی به دادسه‌رای گشتی و ئینقلابی ئه‌هواز بناسێنێت و سه‌باره‌ت به تۆمه‌ته‌كانی وه‌ك “بڵاوكردنی پڕۆپاگه‌ندا” و “ته‌بلیغ دژی نیزام” و “به‌شداری له كۆبوونهوهی نایاسایی” لێپرسینه‌وه‌ی لێ بكرێت. ناوبراو پێشتر به زیندان مه‌حكووم كرابوو به‌ڵام سزاكه‌ی بۆ جه‌زای نه‌قدی گوڕدرا. هه‌روه‌ها “موحسین عومرانی” ئه‌ندامی ده‌سته‌ی به‌ڕێوه‌به‌رایه‌تی كانوونی سنفی موعه‌لیمانی بووشێهر بڕیاره به مه‌به‌ستی دوایین به‌رگریی له خۆی، سه‌ردانی لقی ٧ی دادگای بووشێهر بكات. ناوبراو له ڕێكه‌وتی ٨ی گوڵانی ١٤٠٢ ده‌ستبه‌سه‌ر و دواتر له‌لایه‌ن لقی ٤ی دادگای بووشێهر دوو په‌روه‌نده‌ی بۆ ساز كرا.