کۆمەڵە_رێكخراوی كوردستانی حیزبی كۆمونیستی ئیران
كوردستان

بانگهێشتی ئه‌نجۆمه‌نی سینفی مۆعه‌لیمانی مه‌ریوان بۆ كۆبوونه‌وه‌

بانگهێشتی ئه‌نجۆمه‌نی سینفی مۆعه‌لیمانی مه‌ریوان بۆ كۆبوونه‌وه‌

ئه‌نجۆمه‌نی سینفی مۆعه‌لیمانی مه‌ریوان، ڕۆژی هه‌ینی له‌ ڕاگه‌یاندنێكدا بانگهێشتی ته‌واوی فه‌رهه‌نگیانی مه‌ریوان و ئۆستانی كوردستانی كرد كه‌ له‌ ڕۆژی یه‌كشه‌ممه‌ ١٧ی مانگی ڕێبه‌ندان له‌ ناڕه‌زایه‌تی به‌ ده‌ستبه‌سه‌ر كردنی “شه‌عبان محه‌ممه‌دی” ئه‌ندامی كانوونی سینفی مۆعه‌لیمانی مه‌ریوان و سه‌وڵاوا، كۆبوونه‌وه‌ی ناڕه‌زایه‌تی به‌ڕێوه‌ ببه‌ن.

له‌و ڕاگه‌یه‌ندراوه‌ هاتووه‌: “شه‌عبان محه‌ممه‌دی” مۆعه‌لیمی خانه‌نشینكراو و ئه‌ندامی ده‌سته‌ی به‌ڕیوبه‌رایه‌تی ئه‌نجۆمه‌نی سینفی مۆعه‌لیمانی مه‌ریوان، ڕۆژی یه‌كشه‌ممه‌ ١٠ی مانگی ڕێبه‌ندان و هاوكات له‌گه‌ڵ كۆبوونه‌وه‌ و مانگرتنی سه‌رانسه‌ری مۆعه‌لیمانی ئێران ده‌ستبه‌سه‌ر و بۆ شوێنێكی نادیار ڕاگوێزراوه‌ و سه‌ره‌ڕای چه‌ندین جار سه‌ردانی بنه‌ماڵه‌كه‌ی و به‌دواداچوونی ئه‌نجۆمه‌ن، به‌رپرسانی ده‌وڵه‌تی و ئه‌منی له‌و شاره‌ هیچ وڵامێكیان نه‌داوه‌ته‌وه‌. ئێمه‌ وێڕای مه‌حكووم كردنی  ده‌ستبه‌سه‌ر كرانی “شه‌عبان محه‌ممه‌دی” خوازیاری ده‌ستبه‌جێ ئازادكردنی ئه‌و  چالاكه‌ فه‌رهه‌نگی و مه‌ده‌نییه‌ن.