ڕۆژی شه‌ممه ٣ی خه‌رامانان، كۆمه‌ڵێك ڕێكخراوه‌ی مه‌ده‌نی و سه‌ندیكای ڕۆژنامه‌وانان له باكوور و ڕۆژئاوای كوردستان و ئورووپا دژبه تیرۆركردنی دوو ڕۆژنامه‌وان له‌لایه‌ن ده‌وڵه‌تی توركیاوه خۆپێشاندانیان كرد.
به‌پێی ڕاپۆرته‌كان، كۆمیته‌ی ڕۆژنامه‌وانان و ڕێكخراوه مه‌ده‌نییه‌كانی كۆبانی دژبه جه‌نایه‌ته‌كانی ده‌وڵه‌تی فاشیستی توركیا كۆبوونه‌ته‌وه. له شاری جووله‌مێرگی باكووری كوردستان، هاوكات له‌گه‌ڵ مانگرتنی چالاكانی سیاسی و مه‌ده‌نی دژبه داگیركردنی شاره‌وانی ئه‌و شاره له‌لایه‌ن ده‌وڵه‌تی ئه‌ردۆغان، هێرشه‌كانی توركیا بۆ سه‌ر هه‌رێمی كوردستان و كوشتنی ڕۆژنامه‌وانان به توندی ئیدانه كراوه. له وڵاتی سویس كوردانی دانیشتووی ئه‌و وڵاته دژبه ده‌وڵه‌تی تورك خۆپێشاندانیان كرد و خوازیاری كاردانه‌وه‌ی توندی كۆمه‌ڵگای جیهانی له ئاست جه‌نایه‌ته‌كانی ده‌وڵه‌تی توركیا بوون.