به‌پێی هه‌واڵی گه‌یشتوو، “بورهان سه‌عیدی” چالاكی كرێكاری و به‌ندكراوی ده‌یه‌ی شه‌ست له شاری سنه، ڕۆژی دووشه‌ممه ٢ی گلاوێژ حوكمی دادگای پێ ڕاگه‌یه‌ندرا و به‌پێی ئه‌و حوكمه ناوبراو به دوو ساڵ زیندانی ته‌عزیری مه‌حكووم بوو و حوكمه‌كه‌ی بۆ ماوه‌ی چوار ساڵ ته‌علیق كرا.
“بورهان سه‌عیدی” له ڕێكه‌وتی ٢٨ی گوڵانی ئه‌مساڵ له‌لایه‌ن ئیداره‌ی ئیتلاعاته‌وه ده‌ستبه‌سه‌ر و بۆ ماوه‌ی ٣١ ڕۆژ له به‌ندی تاكه‌كه‌سی ئه‌شكه‌نجه و ئازار درا، ڕۆژانی ٢١ و ٣١ی پووشپه‌ڕی ١٤٠٢ به تۆمه‌ته‌كانی “ئیجماع و ته‌بانی دژبه ئه‌منیه‌تی میللی” و “پێكهینانی هه‌سته‌ی نهێنی” محاكمه و به دوو ساڵ زیندانی ته‌عزیری مه‌حكووم كرا.