به‌پێی ڕاپۆرتی ڕێكخراوه‌كانی مافی مرۆڤی توركیا، ژماره‌یه‌ك له به‌ندكراوانی كوردی زیندانی كاواك له شاری سامسۆن له‌لایه‌ن گاردی ئه‌منیه‌تی ئه‌و به‌ندیخانه‌وه به سه‌ختی ئه‌شكه‌نجه و ئازار دراون.
به‌پێی زانیارییه‌كان، به‌ندكراوانی كوردی ڕاگیراو له‌و زیندانه دژبه هه‌ڵسووكه‌وتی وه‌حشیانه‌ی پۆلیسی زیندان مانیان له خواردن گرتووه و ڕۆژی ڕابردوو هێزه‌كانی گاردی ئه‌منیه‌تی زیندان هێرشیان كردۆته سه‌ریان و ژماره‌یه‌ك له به‌ندكراوانیان به سه‌ختی ئه‌شكه‌نجه كردووه. هێزه ئه‌منیه‌كان هه‌روه‌ها به‌ندكراوانیان ڕووت كردته‌وه و ده‌ستیان داوه‌ته پشكنینی جه‌سته‌یی و كه‌لووپه‌كانیان شكاندووه.