ڕۆژی یه‌كشه‌ممه ١٣ی جۆزه‌ردان، ئه‌رته‌شی توركیا گونده‌كانی ده‌وه‌رووبه‌ری قامیشلووی تۆپباران كرد و به‌هۆیه‌وه به‌رهه‌می گه‌نمی جووتیاران ئاگری گرت و سووتا.
به‌پێی ڕاپۆرتی میدیاكانی ڕۆژئاوای كوردستان، ئه‌رته‌شی توركیا مه‌زرای گه‌نمی گونده‌كانی ته‌ل شه‌عیر، خراپه كورته و دوودای له نێوان شاره‌كانی قامیشلوو و عاموودا تۆپباران كردووه و كاتێك هێزه‌كانی ئاگركوژێنه‌وه بۆ دامركاندنه‌وه‌ی ئاگره‌كه هاتوون، هێزه‌كانی سه‌ر به توركیا ته‌قه‌یان لێ كردوون و ڕێگه‌یان نه‌داوه ئاگره‌كه كۆنتڕۆڵ بكه‌ن.