شه‌وی سێشه‌ممه ٨ی ڕه‌شه‌مه، بازاڕی تاناكۆرای هه‌ولێر به هۆكارێكی نادیار ئاگری گرت و ٢٠ كه‌س به‌هۆی هه‌ڵمژێنی گازی مۆنۆكسیدی كه‌ربۆن ژاراوی و بۆ نه‌خۆشخانه گوازرانه‌وه.
به‌پێی ڕاپۆرته‌كان، له‌و ڕووداوه‌دا، زیاتر له ٢٠٠ دووكان به ته‌واوی سووتاوه، هێشتا هۆكاری ئاگرگرتنی ئه‌و بازاڕه ڕوون نه‌بووته‌وه، به‌ڵام به‌رپرسانی ئاگركوژێنه‌وه‌ی هه‌ولێر خه‌ریكی لێكۆڵینه‌وه له ڕووداوه‌كه‌ن. به‌پێی دوایین زانیارییه‌كان، سیسته‌مه‌كانی ئاوڕه‌سانی و كه‌پسووله‌كانی ئاگركوژێنه‌وه له‌و كۆمه‌ڵه تیجارییه كاریان نه‌كردووه، بۆیه ئاگره‌كه به خێرایی ته‌شه‌نه‌ی كردووه و به‌سه‌ختی كۆنتڕۆڵ كراوه.