ئاگرتێبه‌ردانی ١٧٠ هێكتار له‌ زلكاوه‌كانی زرێبار

ڕاپۆرته‌كان باس له‌وه‌ ده‌كه‌ن كه‌ بەهۆی ئاگرتێبەردانی زلکاوەکانی زرێبار و دەورووبەری، ١٧٠ هێکتار لەو تاڵاوانە سووتان و بوونه‌ته‌ خۆڵەمێش.

بەرپرسی ئیدارەی ژینگەپاڕێزیی شاری مەریوان ڕایگەیاندووه‌: ١٧٠ هێکتار لە زلکاوەکانی گۆلی زرێبار و دەورووبەری، بەهۆی کەمتەرخەمیی کەس یان کەسانێکی نەناسراو، سووتان. “ئیبراهیم هیمەت” لەو بارەیەوە بە هەواڵنێریی حکوومەتی “ئیسنا”ی ڕایگەیاند: ئەو ڕێژەیە لە سووتانی زلکاوەکانی زرێبار لە چاو ساڵانی پێشوودا، کەم وێنە بووە، کە بووتە هۆی لەنێوچوونی شوێنی ژیانی ئاژەڵان و گیانلەبەرانی ئەو ناوچەیە. لە ماوەی چەند ڕۆژی ڕابردوودا، کەسانێکی دژە ژینگە جارێکی تر هێرشیان کردووەتە سەر گۆلی “زرێبار” و خەسارێکی بەرچاویان بە ژینگەی سروشتیی ئەو ناوچەیە گەیاندووە. شایانی باسه‌، بەهۆی کەمتەرخەمیی ناوەندە پەیوەندییەدارەکان لە پاراستنی ژینگە، هەزاران باڵندەی کۆچەری کە گۆلی زرێباریان وەک زلکاوێکی ئەمن هەڵبژاردووە، شێواندووە.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *