ڕۆژی دووشه‌ممه ٣ی مانگی ڕێبه‌ندان، ناسنامه‌ی گیانبه‌ختكردوویه‌كی دیگه‌ی ڕێگای ئازادی خه‌ڵكی ئیسفه‌هان به ناوی “ڕه‌زا قادری” ته‌مه‌ن ١٩ ساڵ ئاشكرا كرا.
به‌پێی زانیارییه‌كان، “ڕه‌زا قادری” مانگێك له‌وه‌پێش له‌لایه‌ن هێزه ئه‌منیه‌كانه‌وه له‌شاری ئیسفه‌هان ڕفێندرا و دوو شه‌و له‌وپێش ته‌رمه‌كه‌ی له باخه‌كه‌ی باوكی دا له ڕۆژهه‌ڵاتی ئیسفه‌هان دۆزرایه‌وه. شایانی باسه كه ناوه‌نده ئه‌منیه‌تیه‌كانی ڕژیم بنه‌ماڵه‌ی ئه‌و گیانبه‌ختكردوویانه خستۆته ژێر گوشار بۆ ئه‌وه‌ی هه‌واڵی گیانی له‌ده‌ستدانی ڕۆڵه‌كه‌یان میدیایی نه‌كه‌نه‌وه و ڕێگه‌یان نه‌داوه مه‌راسمی پرسه و سه‌ره‌خۆشی بۆ بگرن.