بەپێی ڕاپۆرته بڵاو كراوه‌كان، ڕۆژی شەممە ٢٢ی مانگی پوشپەڕ، “جەمشید گوڵئەندام” به‌ندكراوی زیندانی شاری مەهاباد، پاش تەواوبوونی ماوەی حوکمەکەی ئازاد کرا.
ناوبراو لە ماوەی زیندانیبوونیدا، تووشی نەخۆشیی گەدە و چاو بووە و چەندین جار بەرپرسانی زیندانی شاری مەهاباد، لەگەڵ چارەسەریی پزیشکیی “جەمشید گوڵئەندام”، لە دەرەوەی زیندان، ناڕەزایەتییان دەربڕیوە. جێگه‌ی ئاماژه‌یه، ئه‌م به‌ندكراوه له ڕێکەوتی ٧ی مانگی پووشپەڕی ساڵی ٩٣، بە تۆمەتی “شەڕ و تێکەڵچوون لەگەڵ یەکێک لە ئەندامانی خۆجێی سپای پاسداران و بریندارکردنی ئەو کەسە، بە چوار ساڵ زیندان، دانی دییە و لێدانی ٢٥٠ شه‌لاق، مەحکووم کرا.