کۆمەڵە_رێكخراوی كوردستانی حیزبی كۆمونیستی ئیران
كوردستان

ئازادی کاتی سێ بەندکراو بە دانانی بارمتە لە زیندان

ئازادی کاتی سێ بەندکراو بە دانانی بارمتە لە زیندان55

ڕۆژی سێشەممە ٣ی مانگی ڕەشەمە، سێ هاوڵاتی بەناوەکانی “ئەیوب مووسا”، “هاوڕێ خواڕەزم” و “فواد عەجەمی” لە زیندانەکانی کۆماری ئیسلامی بە دانانی بارمتە ئازاد کران.

بەپێی ڕاپۆرتەکان، “ئەیوب موسا” بە دانانی بارمتەی ٥٠٠ میلیۆنی و “هاوڕێ خواڕەزم” بەدانانی بارمتەی ٢٥٠ میلیۆنی لە زیندانی شاری شنۆ بەشێوەی کاتی هەتا کۆتایی پڕۆسەی دادگایی کردنەکەیان ئازاد کراون و “فواد عەجەمی” دوای ئەوەی ٥ مانگ لە ماوەی سزای یەک ساڵ بەندکرانەکەی لە زیندانی شاری سەقز تێپەڕ کردووە، بەمەرج لە زیندانی ناوەندیی ئەو شارە ئازاد کرا.