ڕۆژی چوارشه‌ممه ٢٦ی مانگی ڕه‌زبه‌ر، “هێرۆ قه‌دیمی” چالاكی مه‌ده‌نی ناسراوی خه‌ڵكی سه‌قز به دانانی وه‌سیقه و تا كۆتایی قوناغه‌كانی دادڕه‌سی له كانوونی چاكسازی و په‌روه‌رده‌ی شاری سنه ئازاد كرا.
ڕۆژی چوارشه‌ممه ٢٢ی خه‌رمانانی ١٤٠٢، “هێرۆ قه‌دیمی” له‌لایه‌ن هێزه ئه‌منیه‌كانه‌وه له شاری سه‌قز ده‌ستبه‌سه‌ر و ڕه‌وانه‌ی كانوونی چاكسازی و په‌روه‌رده‌ی شاری سنه كرا. ناوبراو له بواری مافی منداڵان، ژنان و تووشبووانی نه‌خۆشیه تایبه‌ته‌كان چالاك بووه و هێشتا هۆكاری به‌ندكرانی ڕوون نه‌كراوه‌ته‌وه.