کۆمەڵە_رێكخراوی كوردستانی حیزبی كۆمونیستی ئیران
كوردستان هه‌واڵه‌کان

ئازادكردنی ١١ هاووڵاتیی به‌ قه‌راری وه‌سیقه‌

به‌ پێی ڕاپۆرتی ناوه‌ندی دێمۆكراسی و مافی مرۆڤی كوردستان، له‌ ماوه‌ی ڕۆژانی ڕابردوودا لانیكه‌م ١١ هاووڵاتیی له‌ شاره‌كانی بۆكان، كرماشان، ورمێ، سنه‌ و شنۆ، كه‌ له‌ كاتی ناڕه‌زایه‌تییه‌كانی مانگی خه‌زه‌ڵوه‌ری ئه‌مساڵ له‌ لایه‌ن هێزه‌ ئه‌منییه‌كانه‌وه‌ ده‌ستبه‌سه‌ر كرابوون، به‌ قه‌راری وه‌سیقه‌  له‌ زیندان ئازاد كران.

به‌ پێی ئه‌م ڕاپۆرته‌، چوار هاووڵاتیی به‌ ناوه‌كانی “سوله‌یمانی نادری” خه‌ڵكی شاری بۆكان، “ڕه‌زا جابری” خه‌ڵكی شاری كرماشان، “نه‌حو ئه‌مینی” خه‌ڵكی شاری ورمێ و “محه‌ممه‌د زارع” خه‌ڵكی شاری سنه‌، پاش ته‌واو بوونی قۆناغه‌كانی لێپرسینه‌وه‌ و دانانی وه‌سیقه‌ له‌ گرتووخانه‌كانی ئیتلاعاتی شاره‌كانی خۆیان ئازاد كران. هه‌روه‌ها ڕۆژی چوارشه‌ممه‌ ٢٥ی به‌فرانبار، “سیاوه‌ش حه‌یاتی” وته‌بێژی کۆڕی ڕاوێژی چالاکانی مەدەنیی یارسان و “فه‌خره‌دین ئاسریس” خه‌ڵكی شاری شنۆ كه‌ ڕێكه‌وتی ٢٣ی گه‌لاوێژ له‌ لایه‌ن هێزه‌ ئه‌منییه‌كانی ڕژیمه‌وه‌ ده‌ستبه‌سه‌ر كرابوو، به‌ دانانی وه‌سیقه‌ لە زیندان ئازاد كران. له‌ لایه‌كی دیكه‌وه‌ سێ خوێندكاری زانكۆی ڕازی كرماشان به‌ ناوه‌كانی “ئه‌شكان والی زاده‌، سه‌لاح غه‌ریبی و پژمان ئه‌میری” كه‌ له‌ ڕێكه‌وتی ٢٢ی مانگی به‌فرانبار و له‌ ئه‌نجامی كۆبوونه‌وه‌ی ناڕه‌زایه‌تیی به‌ كه‌وتنه‌ خوارێ فڕۆكه‌ ئۆكراینییه‌كه‌ ده‌ستبه‌سه‌ر كرابوون، به‌ قه‌راری وه‌سیقه‌ له‌ زیندان ئازاد كران. جێگه‌ی ئاماژه‌یه‌، له‌ سه‌ره‌تای مانگی به‌فرانباریش، دوو هاووڵاتیی به‌ ناوه‌كانی “مه‌حیه‌دین ئه‌سغه‌ری و سوحبه‌ت ئۆمیدی” خه‌ڵكی شاری كرماشان، پاش دانانی وه‌سیقه‌ی ٢٠٠ ملیۆن تمه‌نی له‌ زیندان ئازاد كرابوون.

بابەتی پەیوەندیدار

گواستنەوەی بەندکراوێک و زیندانی كردنی هاووڵاتییه‌ك له‌ شاری شنۆ

komalah

ده‌ركردنی ٣ كرێكاری شێركه‌تی “مانی تێب” له‌ سنه‌

komalah

خۆکوشتنی ١٢ منداڵ لە شارەکانی ڕۆژهەڵاتی کوردستان

komalah

کوژرانی ٦ هاووڵاتیی به‌هۆی هێرشی چەکدارانی ڕێکخراوی تیرۆریستی داعش

komalah

کوژرانی ٢٥ سەربازی سوپای تورکیە لە باشووری کوردستان

komalah

یاداشتی ٤٠٠ ڕۆژنامەنووس بۆ یەکێتی ئەورووپا لەسەر هێرشەکانی دەوڵەتی تورکیە

komalah